Deialdi Itxita

Adimen Artifiziala Auzitan

Hasiera: 09/05/2023 00:00

Amaiera: 10/09/2023 12:00

Deskargak

Deskarga: AA Auzitan - Izen ematea Deskarga: AA Auzitan - Erantzukizuneko adierazpena Deskarga: AA Auzitan - GAO Deskarga: Emakidaren-argitalpena

Laburpena

Adimen Artifiziala hizkuntza gutxituen biziberritzearekin, teknologiak komunitatean duen eraginaren kuestionamenduarekin, sorkuntzarekin eta/edo euren arteko edozein intersekziorekin lotura duen ideia bat garatu nahi duten norbanako edo kolektiboei zuzendutako deialdia da, edozein delarik norbanakoen formakuntza maila. Dirulaguntza hauen helburua da euskaratik, eta euskaraz ere, biziko den hiztun komunitate sortzaile, berdinzale eta justua elikatzeko, gaurtik proposamenak gauzatzen hastea. Horretarako, teknologia berriek hizkuntzari eta komunitateari parez pare jartzen dizkioten erronkak aukera gisa baliatuko dituzten esplorazio prozesuak sustatu nahi dira Laguntza ekonomikoaz gain, ideia hautatuei Badalabeko, Humanitate Digitalen Ikerguneko eta Tabakalera Medialabeko lantaldearen laguntza teknikoa, baliabideak eta espazioak eskainiko zaizkie, beharren eta aukeren arabera. Edozein kasutan, ez da egonaldia egiteko deialdia.

ADIMEN ARTIFIZIALA AUZITAN. IDEIA SORKUNTZA DEIALDIA

Dirulaguntza honen helburua da Adimen Artifiziala hizkuntza (gutxituen) biziberritzean txertatzen duten, (herritarren) sormen eta esperimentaziorako lanketekin uztartzen duten eta/edo herria eta teknologiaren (kuestionamendu) lerroak proposatzen dituzten esplorazio prozesu berriak sustatzea, etorkizunean proiektu esperimental handiagoa bilakatzeko potentziala duten hastapeneko ideia inspiratzaile edo hipotesiei bultzada emanez.

Nori zuzendua dago beka deialdia?

Teknologia berriak hizkuntza gutxituen biziberritzearekin, teknologiak komunitatean duen eraginaren kuestionamenduarekin, sorkuntzarekin eta/edo euren arteko edozein intersekziorekin lotura duen ideia bat garatu nahi duten norbanako edo kolektiboei zuzendutako deialdia da, edozein delarik norbanakoen formakuntza maila.

Deialdira elkarrekin aurkeztu ahal izango dira hainbat pertsona fisiko. Ez zaie eskatuko beraien arteko harremana formalizatzerik.

Zein da prozesua garatzeko ekarpena?

Lau beka independente izango dira. Bakoitzari 1.500€ko ekarpena egingo zaio (zerga eta atxikipenik gabe) ekoizpen kontzeptuan.

Laguntza ekonomikoaz gain, ideia hautatuei Badalabeko, Humanitate Digitalen Ikerguneko eta Tabakalerako lantaldearen laguntza teknikoa, baliabideak eta espazioak eskainiko zaizkie, beharren eta aukeren arabera. Edozein kasutan, ez da egonaldia egiteko deialdia.

Nola aurkeztu behar da eskaera?

Nola aurkeztu behar da eskaera?
Eskabidea honako dokumentu hauekin osatuko da:

1. Izen-emate orria.

2. Erantzukizuneko adierazpena.

3. Sortzailearen edo kolektiboaren aurekezpena eta abiapuntuko ideiaren eta garatu nahi den sormen prozesuaren eta/edo piezaren deskribapen/erakusketa, formatu digitalean, dokumentuan edo PDF formatuan entregatzea, honako informazio hau jasota:
– Hautagaien (norbanako zein kolektibo) aurkezpen laburra eta motibazio gutuna. Nor gara eta zergatik nahi dut/dugu ideia hau garatu?
– Abiapuntuko ideiaren deskribapena eta garatzea aurreikusten den ibilbideari buruzko azalpena, sortu nahi den piezaren deskribapena eta zein arte-diziplinan kokatzen den.
-Emandako laguntzaren erabilera aurreikuspena, bai ekonomikoa bai bestelakoa. Ez dira prozesu/produktu/proiektu amaituak bakarrik espero emaitza gisa, hau da, aukera bat da beka deialdi hau baliatzea abiapuntuko ideia prototipatzeko, osatzeko, aberasteko; edo etengabe eraikitzen eta deseraikitzen ariko den sormen pieza edo prozesu bat abiatzeko.
-Ideia elikatzeko inspirazio edo erreferentzia iturriak: estekak, webguneak, etab.

Eskaera orriak eta horrekin batera eskatzen den dokumentazioa paperean zein posta elektroniko bidez bidali ahal izango da.
Paperezko eskabideak bidaltzeko helbidea: Madalen kalea 27, 20100, Errenteria, Gipuzkoa.Posta elektronikoz bidaltzeko helbidea: goiartzabal@badalab.eus